அக்கறை

இரண்டு வாய் மட்டும் உண்டுவிட்டு
"போதும்மா!!" என்று சொல்லும் அனன்யா குட்டியை
"சாப்பிடலன்னா மூணு கண்ணன் பிடிச்சிட்டு போய்டுவான்!!
சாப்பிடுடா செல்லம்" என மிரட்டி ஊட்டுகிறேன் நான்...
"அம்மா சாப்பிட்டு ரெண்டு நாள் ஆச்சும்மா!!!" என்று
வாசலில் நின்று கையேந்தும் குழந்தையைக் கண்டதும்
என் கையில் இருக்கும் தட்டை பறித்துக் கொண்டு
அக்குழந்தையுடன் உணவைப் பகிர்ந்துக் கொண்டு
காதோடு காதாக மெல்ல கூறுகிறாள்
என் அனன்யா குட்டி...
"ரெண்டு நாள்லாம் சாப்பிடாம இருக்காத!
மூணு கண்ணன் பிடிச்சிட்டு போய்டுவான்!!!" என்று.... :)