பிரசவம்

ஜோதிடம் பார்த்து முதலெழுத்து கேட்டு
ஆயிரம் பெயர்களை பரிசீலித்து...
மாடர்னான பெயராக பாருங்கள் என்ற‌
மனைவியின் கருத்தை நினைவில் கொண்டு...
மங்களகரமான பெயரா பாருடா என்ற‌
அம்மாவின் அதட்டலை கருத்தில் கொண்டு...
கூப்பிட சுலபமான பெயராக பார் என்ற‌
அப்பாவின் நியாத்தை புரிந்து கொண்டு...
எல்லோரும் ஏற்றுக்கொள்ளும்படியாக‌ 
ஒரு பெயரை கண்டுபிடித்து...
இருமுறை சொல்லி பார்த்து, மெல்ல சிரித்து
குழந்தையின் கன்னம் சிவக்க கிள்ளி
ஊரே கேட்க உரக்க சொல்லிக் கூப்பிடும்
தந்தையின் பெருமித‌த்தை பார்கையில் தோன்றுகிறது....
குழந்தை பிரசவிக்கும் நேரத்தை போலவே
அழகானது தான்....
குழந்தையின் பெயர் பிரசவிக்கும் நேரமும்....