கலகம்

கோவிலைச் சுற்றிக் கொண்டு இருந்தாய் நீ...
"தயவுசெய்து நிறுத்திக்கொள்ள சொல்
ஒரு சுற்றுடன் உன் காதலியை" என்று
பதறியவாறு வந்து புகார் செய்தார் பூசாரி...
"ஏன்" என்று வினவுகிறேன் நான்...
அழைத்துச் சென்று காட்டினார்
பிள்ளையாரும் இல்லாமல் முருகரும் இல்லாமல்
காலியாய் இருக்கும் கருவறைகளை...
விஷயம் என்னவென்றால்
"உன்னைக் கண்டபின்
பிரம்மச்சர்யத்தை கைவிடப் போவதாக பிள்ளையாரும்
வள்ளியும் தெய்வானையும் வேண்டாமென முருகரும்
வாதம் செய்துக் கொண்டு இருக்கின்றனராம்"....
நாரதரும் இல்லாமல் ஞானப்பழமும் இல்லாமல்
சகோதரச் சண்டையை மூளச்செய்து விட்டு
அமைதியாக சுற்ற ஆரம்பிக்கிறாய் நீ
இரண்டாவது சுற்றை....