லஞ்ச‌ம்

சில்லென குளிரூட்டப்பட்ட அறை, கட்டில், மெத்தை
என சகல வசதிகளுடன் உறங்குகிறான்
முப்பது ரூபாய் கூலிக்கு வேலைக்கு சென்றவன்
அரசாங்க பிணவறையில்...
"ஒரு வாட்டி முகத்த பார்த்துக்குறேன்பா!!"
என்று கதறும் தாய்...
கணவனை இழந்த அதிர்ச்சியில் இருந்து
இன்னும் மீளாத மனைவி...
"அப்பா இனிமே வர மாட்டாராமா??"
என்று விசும்பும் குழந்தை...
மீள முடியாத தூக்கத்தில் மூழ்கி
அரசாங்க பிணவறையில்
இன்னும் துயில் கொண்டு இருப்பவர்கள்
எல்லோரும் அனாதைகள் அல்ல...
"100 ரூவா குடுத்துட்டு எடுத்துட்டுப் போ!!" என்று
பிணத்துக்கும் விலை பேசும் காவலாளிக்கு
காசு கொடுக்க முடியாதவர்களின்
சொந்தக்காரராகவும் இருக்கலாம்...!!!