கைப்பிடித்த பொழுதுகள்

சாலையைக் கடந்து செல்கையில்
அதிவேகமாய் வரும் வண்டியைக் கண்டு
கண்ணை மூடிக் கொண்டு
என் கையை இறுகப் பற்றிய பொழுதுகள்...
என் சோகச் சுமையை
சுகமாய் பங்கிட்டுக் கொண்டு
ஆதரவாக என் கையை
உன் கையில் கொண்ட பொழுதுகள்...
வீட்டை நெருங்கும் ஒவ்வொரு அடியிலும்
உன் விரல்களில் ஒன்றை விடுவித்துக் கொண்டு
கடைசி விரலில் பிரிவும் பிரியமும்
இணைத்து பேசி சென்ற பொழுதுகள்...
என் அழகான பொழுதுகளுக்கு சொந்தமான‌
உன் கைபிடிப்பதற்காகவே கைகலப்பில்
ஈடுபடும் என் கரங்கள்
இன்று மலர் தூவி வாழ்த்துகின்றன...
மணமேடையில் வேறொருவன் கைபிடித்து
நீ வலம் வரும் போது...